Øksekast, slegge og geitemjølking under 1851 OppNed Norddal

Det blir ikkje berre motbakke- og mosjonsløp under 1851 OppNed Norddal. Arrangørane inviterer i tillegg til ein durabeleg gardsduell, der også publikum kan måle krefter med tidlegare Farmen-deltakarar.

Opphaveleg var det annonsert at Frank Løke, kjend handballspillar og realitydeltakar, skulle stille under 1851 OppNed Norddal.
– Diverre har vi no fått kontramelding frå Løke. Av personlege årsakar kan han ikkje kome til Norddal den helga. Vi køyrer likevel på med det oppsette programmet. Løpa går sin gang, og vi har fått inn fullgode erstattarar til det vi har kalla Farmen Challenge. Det er no blitt Farmen-Olavs Farmen Challenge, fortel Ole Magnus Melchior.

Farmen-Olav som det refererast til er sykkylvingen og tidlegare Farmen-deltakar Olav Harald Ulstein. I tillegg kjem Frank Aniksdal, som vart kjend sin skjeggvekst, mykje hår og sterke meiningar. Vinnaren av Farmen 2014, mjølkebonden Magnhild Vik, kjem også til bygda. Vik kjem frå Innfjorden i Rauma kommune.

Dei tre tidlegare Farmen-deltakarane skal konkurrere i øksekast, slegge og mjølking av geiter i Melchiorgarden. MEN: Det vil også bli høve for andre å kvalifisere seg for kappestriden! Frå klokka 12.00 kan publikum kvalifisere seg gjennom duellar i øksekast. 50 kroner for tre kast, der poengsummen er avgjerande for avansement.

– Vi legg opp til at dagen i Norddal skal vere full av aktivitet og opplevingar i samband med løpa til Torvløysa og Daurmålsfjellet. Farmen-Olavs Farmen Challenge vil blir eit av dagens høgdepunkt, fortel Melchior

Klart for Norges høgste motbakkeløp

Har du toppa forma til fjelløp og trimløp tidlegare i år? Då har du ei moglegheit til å bruke forma i endå ei spektakulær oppleving: Norges høgste motbakkeløp, 1851 høgdemeter, og ned igjen! Den 24. August får du også anledning til å delta i litt rolegare former, enten i mosjon- eller familieklasse.

Starten i konkurranseklassene går frå Melchiorgarden i Norddal, og følgjer samme traseen mot toppen via Rellingsetra. Mosjon- og familieklassene starter på Rellingsetra, og det er satt opp gratis transport dit frå parkeringsplassen på Hatlestad.

I fjor satte Lars Åkernes Rimereit løyperekord, med utrulege 2.44.16. Marcus Megrund (216) blei nummer to, medan Jonas Hesthaug(212) blei nummer tre.

Arrangøren ynskjer velkomen til turdag i verdsarvområdet med fantastiske fjell og fjorder som innramming. Dette blir ei fin oppleving for både store og små sprekingar på alle nivå.

Trykk her for påmelding

Action-Frank er med. Er du?

Frank Løke, også omtalt som Action Frank, skal forsøke å slå rekorden på 1851 OppNed Norddal i år. – Jeg skal gjøre et forsøk, men 2:44:16 høres ut som ei vanvittig god tid. Uansett – ingen over 80 kilo slår meg, sier Løke.

– Jeg tviler på at han klarer det, og om han slår rekorden så tar jeg den tilbake igjen i 2020, parerer rekordholder Lars Rimereit.

Vi du bryne deg på Action-Frank? Påmeldingen for årets utgave av 1851 OppNed Norddal er åpnet.

Du kan lese meir om presemeldinga i Sunnmørsposten og på Kondis si heimeside.

Neste arrangement 24.8.2019

Familie- turdag og fjelløp i Norddal – OppNed

1. Konkurranse: Fjelløp frå Melchiorgarden i Norddal til toppen av Torvløysa 1851m, målgang ved start.

2. Konkurranse: Fjelløp frå Melchiorgarden i Norddal til Daurmålsfjellet 805m, målgang ved start.

3. Mosjonsklasse: Topptur frå Rellingsetra i Norddal til toppen av Torvløysa 1851m, retur til Rellingsetra.

4. Familieklasse: Tur frå Rellingsetra i Norddal til Daurmålsfjellet 805m, retur til Rellingsetra.

Vinnarar

Lars Åkernes Rimereit frå Eidsdal IL sette imponerande ny rekord Opp til Torvløysa og ned att: 2:44:19. Alle dei tre første var under rekorden frå i fjor! Nummer 2 fjorårsvinnar Marcus Megrund Valder IL  med 2:48:08.  Nummer tre Jonas Hesthaug frå Eidsdal IL med tida 2:50:36. 

Glade vinnarar i 1851 opp ned 2018